चन्द्रपुर : आन्दोलनरत मधेसी मोर्चाका कार्यकर्ताहरुले रौतहटको गरुडा बजारस्थित मेथुर चोकनजिकै मंगलबार राति एक ट्रकमा आगजनी गरेका छन् ।
मिठा(सख्खर) लोड गरेर बाराको जीतपुर लैजान लागिएको ना.३ ख १७० नम्बरको ट्रकमा मोर्चाका कार्यकर्ताहरुले आगजनी गरी भागेको जिल्ला प्रहरी कार्यालय रौतहटका डिएसपी राजेन्द्र पोखरेलले जनाकारी दिए ।आगजनीबाट ट्रकको झ्याल र अगाडीको भाग जलेर नष्ट भएको छ । रौतहटकै विर्तालक्ष्मीपुरका उमाशंकर जैसवालको सो ट्रकमा आगजनी भएको हो ।
ट्रकको अगाडीको भाग जलेर नष्ट भएको छ भने लोड गरिएको मिठा सुरक्षित रहेको प्रहरीले जनाएको छ । आगजनी हुनेबित्तिकै स्थानीयले ट्रकमा लागेको आगो निएका थिए ।
