१२ कात्तिक,
निवर्तमान राष्ट्रपति डा. रामवरण यादव बिहीबार ललितपुरको बागडोलस्थित भाडाको घरमा सर्ने भएका छन् ।
व्यवस्थापिका-संसद्बाट बुधबार राष्ट्रपति पदमा विद्यादेवी भण्डारी निर्वाचित भएसँगै राष्ट्रपति डा यादव शीतलनिवासबाट सर्न लागेका हुन् ।
नवनिर्वाचित राष्ट्रपति भण्डारीको शपथग्रहण समारोहपछि सरकारले आयोजना गर्ने बिदाइ समारोहपछि यादव साँझ बागडोल सर्ने यादवका प्रेस सल्लाहकार राजेन्द्र दाहालले जानकारी दिए ।
सरकारले आज राष्ट्रपति यादवको बिदाइमा एक समारोहको आयोजना गर्दैछ ।
शपथग्रहण समारोह सकिएको डेढ घन्टापछि सरकारले गर्ने भिन्नै समारोहमा राष्ट्रपति यादवको बिदाइ गरिनेछ ।यादव २०६५ साउन ६ गते गणतन्त्र नेपालको प्रथम राष्ट्रपति चयन भएका थिए ।
